Singluairtet I është pjesa e parë nga seria e fotografive arkitekturore nën konceptin e ‘tekes’ nga fotografi gjerman Florian W. Mueller.

Përmbledhja paraqet shkrepje dhe editime nga objekte dhe ndërtesa monumentale nga qytete të ndryshme nga Gjermania dhe bota, të cilat dallojnë në stil dhe dizajn.

Tema e ‘njëshes’ apo ‘tekes’ haptas mbisundon konceptin, por ajo që vërehet është fokusi që gjithmonë përqendrohet në pjesët e lartme të ndërtesave duke anashkaluar bazamentin dhe duke kombinuar ato me qiellin e hapur në pjesën më të madhe të kompozicionit.

Ngjyrat dhe tonet ndryshojnë në pozat e ndryshme, por ajo që vazhdon të jetë prezente te të gjitha shkrepjet dhe punimet është moda retro dhe pranverore e nuancave të prapavijës.

*Marrja e përmbajtjeve të plota apo pjesore të artikujve lejohet vetëm me shtimin e referencës për postimin origjinal në blog.